Абдрахман Асылбек

Түсіме жиі енетін болдың

Бұл бетте «Түсіме жиі енетін болдың» атты Абдрахман Асылбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

05.08.2019
0
0
1487

Түсіме жиі енетін болдың,
Көмескі түрде көретін болдым.
Төркіндеп кеттің, еркіндеп кеттің,
Құсадан жүдеп, өлетін болдым,
Қалқашым, қашан келетін болдың?
Келіпсің деймін түсімде бірде,
Барасың, топтың ішінде бірге.
Шақырған кезде бұрылып едің,
Танымай қалдым түсіңді мүлде,
Жаралы бетің ісіңкі түрде.
Түсімде сені тағы да көрдім,
Өлген бір жанның жанында көрдім.
Итеріп қолын, сытылып кеттің,
Менде оған: «Кет!» – деп, шабына бердім,
Оянып, сені сағына бердім.
Түсіме жиі кіретін болдың,
Бірақ та, сирек күлетін болдым.
Төркіндеп кетіп, еркіндеп кетіп,
Сағынтып мені жүретін болдың,
Бағаңды артық білетін болдым.

8.12.2001 ж.

Абдрахман Асылбек түс түсіме жиі енетін болдың Абдрахман Асылбек өлеңдері

Пікірлер (0)

Пікір қалдырыңыз

Жиі қойылатын сұрақтар