Өлең, жыр, ақындар

Жаңбыр

  • 05.08.2019
  • 0
  • 0
  • 1272
Түсімде жаңбыр төгіп тұр,
Терезе кағып, төніп тұр.
Сезініп келген көктемді,
Қызықты деймін молықтыр.
Ұнатып тамшы тарсылын,
Жаратып жасын жарқылын,
Жүгіріп шықпақ боламын,
Жалтырап балғын балтырым.
Тамшымен таза бұраңдай,
Тараған шашың шынардай.
Талпынсам-дағы төсектен,
Жатамын біраз тұра алмай...
Атыпты арай таң жаңа,
Іздеймін сені таңдана.
Жуынып жатыр екенсің,
Ағызып суды ваннада.
Дегенім жаңбыр сол екен,
Көңілің көсір көл екен.
Селдетіп келген көктем боп,
Сүйіктім жалғыз сен екен.



Пікірлер (0)

Пікір қалдырыңыз

Ақсүйек кеп Ақылгөй

  • 0
  • 0

Ақсүйек кеп Ақылгөймен отырды,
Әңгіме айтып не түрлі.
«Айтшы, – деді ол, – көп білетін данасың,
Адамдардың ойын оқи аласың.

Толық

Демалыс

  • 0
  • 0

Малынып нөсеріне қызыл нұрдың,
Қанымды қызу күнмен қызындырдым.
Теңіздің жағасында қалғып кеттім,
Әуені тербеп мылжың ұзын жырдың...

Толық

Иманды мен имансыздар

  • 0
  • 0

Кейбір адам кенет өліп жатады,
Кейбір жастар ерте сөніп жатады.
Кім де болса, жақсы жанның өлімі
Жан жылатып, қабырғаңа батады.

Толық

Басқа да жазбалар