Өлең, жыр, ақындар

Жаңа жыл есік ашты

  • 05.08.2019
  • 0
  • 0
  • 4133
Жаңа жыл есік ашты шырайланып,
Басынан шыршалардың шыр айналып.
Белеңдер басып өткен былай қалып,
Келер күн құшағына жыр айналып,
Арайлы алтын нұрлы Күн, Айды алып,
Әр үйге, әр жүрекке ұнай қалып,
Жаңа жыл есік ашты шырайланып.
Жаңа жыл есік ашты үміт болып,
Жайраңдап босағадан кіріп келіп.
Таңдары тамылжыған тынық болып,
Кезіккен кейбір кірбің ұмыт болып,
Жанары жалындаған жігіт болып,
Көл-көсір қуанышпен күліп келіп,
Жаңа жыл есік ашты үміт болып.
Жаңа жыл есік ашты салтанат боп,
Мереке, мол мейірім, мархабат боп.
Базына, базарлығын арқалап кеп,
Шуақты, шұғылалы шартарап боп;
Шалқыған шабытымен шалқалап кеп,
Әдемі әуелеген ән қанат боп,
Жаңа жыл есік ашты салтанат боп.



Пікірлер (0)

Пікір қалдырыңыз

Көңіл айту

  • 0
  • 0

Бірге туған болғанмен,
Бірге жүрмек жоқ деген.
Адам қанша толғанмен,
Бар арманға жетпеген.

Толық

Шымшық пен көгершін

  • 0
  • 0

Жауыз тұзақ бір Шымшықты қысты әсем:
Бейшара әбден тыпыршыды, болмады.
Жас Көгершін мұны көріп қорлады:
«Қалай ғана түсіп қалдың түсте сен

Толық

Айнат

  • 0
  • 0

Жеті жасқа жеткенің –
Бір белестен өткенің.
Құшақ жайып қарсы алар
Мейірбанды мектебің.

Толық

Қарап көріңіз