Өлең, жыр, ақындар

Мен – Үйсінмін

  • 06.08.2019
  • 0
  • 2
  • 9309
Мен – Үйсінмін, қауға берсең, қауға бер,
Қанағызып, үйренгем жоқ жаулап ел.
Дауы да жоқ, жауы да жоқ, тып-тыныш,
Бауырларым, біздің асқақ тауға кел.
Мен – Үйсінмін, мал бақ десең, мал бағам,
Еш жамандық көргенім жоқ қауғадан.
Мен – Үйсінмін,Ұлы жүзбін, ұлымын,
Ұлымын деп, ұлылыққа бармағам.
Ортадан да, Кішіден де кішімін,
Ұлымын деп көрсетпеген қысымын.
Ел басына екіталай күн туса,
Екі інімнің найзасының ұшымын.
Мен – Үйсінмін, Ұлы десең, ұлымын,
Кісіліктің, кішіліктің құлымын.
Бөлінбеген еншім даяр, екі інім
Желбіретіп жетіп келсе тұлымын.
1972 ж. Мұқағали МАҚАТАЕВ



Пікірлер (2)

Күльшат

Мұқаңның өлеңдері керемет қой,әр бір сөзі саф алтындай!!!

Myrza

Өте керемет!

Пікір қалдырыңыз

Бір Алла ғана қорғайды

  • 0
  • 0

Демеймін мына тірлікте
Өзгеден көмек болмайды.
Береке басы бірлкте,
Ісіңді бірлік оңдайды.

Толық

Ей, пенделері Алланың

  • 0
  • 0

Ей, пенделері Алланың!
Жұмыр жерде таңдауың:
Топырағынан жаралдың,
Тұмасынан нәр алдың,

Толық

Тәкаппар терек

  • 0
  • 0

Тоғайда бір Терек тұрды,
Өзге ағаштан ерек тұрды.
Өйткені, ол биік тұрды,
Көкте бұлтқа тиіп тұрды.

Толық

Қарап көріңіз