Күз

Күз келді ме? Қара суық түнеріп.
Іздерімен шұбырмалы сыз еріп.
Береді ме шуақ күндер шапағын?
Бұлттар тұр ғой - ғарыштардан мұң еміп!

Ағаштардың бұталары түзеліп,
Жапырағын қалған-құтқан тұр егіп.
Не болса да, көреміз ғой бұйрығын.
Табиғаттың заңы емес пе? Көрелік!

Төбемнен қарайтұғын ала аспан,
Бейне бір - ойларымды ала қашқан.
Жағаласқан желменен -Ей, ұшқан құстар -
Күз келді! Болмас Күнің адыраспан!

Жоқ сірә, бұл күзде бір қызық асқан?
-Деп айтар кейбіреулер, есі адасқан.
Мен үшін, бұл күз деген - ғанибет қой!
Мен келсем - күтіп алып, алтын шашқан.
Ержан Қабышұлы

---