Өлең, жыр, ақындар

Ана тілім

  • 06.08.2019
  • 0
  • 1
  • 3575
Ана тілім – дана тілім,
Ана тілім – дара тілім.
Ең бастысы, елім үшін
Ана тілім – бала тілім.
Ана тілмен тілім шығар,
Тілмен бірге үнім шығар.
Ана тілін білген күннен
Күлім қағып күнім шығар.
Үлгі-өнеге алатыным,
Ана тілім – баба тілім.
Тыңдап тәтті ертегілер,
Қиял қанат қағатыным.
Аялаған дана халқым,
Ана тілім – сана, салтым.
Ана тілде сөйлемесем,
Болмас ешбір баға, парқым.
Ана тілсіз, ұғын, жолдас,
Мемлекет те мығым болмас.
Өзге тілмен жалпақтаумен,
Өзгелерге сыйың болмас.
Ана тілсіз күнім болмас,
Бес тиындық құным болмас.
Өз тілімде сөйлемесем,
Қазақ деген ұғым болмас.



Пікірлер (1)

Жасмин

Зор

Пікір қалдырыңыз

Сұлулық ортақ әлемде

  • 0
  • 0

Көркіңе шексіз құмартып,
Қадалар көздер мұнартып.
Бір адам ғана бір саған
Иелік ету тым артық.

Толық

Қасқыр мен тышқан

  • 0
  • 0

Дүрліктіріп отарды,
Қасқыр қойды бір түкпірге апарды.
Қонаққа емес, белгілі:
Қой терісін сыпырды да қомағай,

Толық

Арманым

  • 0
  • 0

Асығыс алаңдатқан арманым көп,
Алаулап әлі күнге жанғаным жоқ.
Үміттер жетелейді үнемі алға,
Арайлап ататұғын таңдарым боп.

Толық

Қарап көріңіз