Өлең, жыр, ақындар

Парнас

  • 07.08.2019
  • 0
  • 0
  • 1112
Аймақты әркім бөліп-бөліп алыпты,
Құдайларды гректерден қуғанда.
Парнас тауы тиген екен бір жанға,
Ол айдап кеп Есектерді бағыпты.
Мұнда әу баста тек Музалар тұрыпты,
Оны Есектер әлдекімнен біліпті.
Депті: «Бізді Парнасқа
Әкелмеген жай босқа.
Музалар шын жалықтырып біткен ғой,
Қожа бізден жақсы әуен күткен ғой»,
«Мен бастайын, – деп бір Есек ақырды, –
Жасайық та батылдық,
Әнге басып тиімді,
Мадақтайық үйірді!
Даусымызды зор қылып,
Ел тыңдайтын алайық бір хор құрып!
Табысымыз жаман емес десек те,
Тәртіп керек түбі ұятқа қалмасқа:
Кімнің даусы ұқсамаса Есекке,
Ондайларды жолатпайық Парнасқа».
Есек құптап Есекті,
Басталды ойын кезекті:
Қаңғыраған арбадайын қиқылдақ,
Қоя берді шиқылдап.
Сондай әуен бола ма?
Қожайыннан төзім кетсе, оңа ма?
Бар Есекті қамап қойды қораға.
Құр ашудан наданға ақыл қона ма?
Халық сөзі сәуле берді санама:
Ақылсыз бас – асқабақ,
Оған ақыл бере алмассың басқарақ.



Пікірлер (0)

Пікір қалдырыңыз

Біз екеуміз

  • 0
  • 0

Жарасты дос едік,
Көңіліміз қош еді,
Қинадың бүгін қалайша?
От салдың өзекке,

Толық

Боранда

  • 0
  • 0

Кетерде апам қалаға:
– Шықпа, – деді, – далаға.
Қар жауып тұр борасын,
Бұл бетіңмен тоңасың.

Толық

Кемпір мен қызметші қыздар

  • 0
  • 0

Болды кемпір мазасыз да сабырсыз,
Жүре алмайтын дабырсыз.
Қызметші екі қызы бар еді,
Жіп иіріп ұзақ күнге тынбайтын.

Толық

Қарап көріңіз