Өлең, жыр, ақындар

Қасқыр мен түлкі

  • 08.08.2019
  • 0
  • 0
  • 1378
Зат болса егер керексіз,
Мырзамыз-ау ерек біз.
Бұл мысалды, демек, біз
Жеткізбекпіз шындықтың бір шетіне.
* * *
Тойып алып Түлкі тауық етіне,
Артылғанын шөп астына бастырып,
Жата кетті шөмелеге бас тығып.
Сүйретілген бір аш Қасқыр көрінді:
«Оу, құдаша, жағдай қиын, – деді оған, –
Сүйек те жоқ қимылдатар ерінді.
Аштық мені қамаған,
Малшы сақ, ит қабаған,
Күтемін тек өлімді».
«Апырай, ә, сенен нені аянам?
Қалауыңша жей бер мына маядан,
Әрқашан да көмегімді беремін».
Ал, құдаға ет еді ғой керегі,
Ол жайында Түлкі еш нәрсе демеді.
Сұр серіні қасқайтты,
Жылы сөзді жақсы айтты,
Қасқыр болса аш қайтты.



Пікірлер (0)

Пікір қалдырыңыз

Уақыт

  • 0
  • 0

Жоғалған нәрсе табылар,
Ұмытқан еске алынар.
Бәрін де артқа ұзатып,
Оралмас кері уақыт.

Толық

Басшы піл

  • 0
  • 0

Болғанымен күшті кім,
Болса, бірақ, санасыз,
Әрі жұмсақ мінезді – бәлеге одан қаласыз.
Келді орманға басшы болып күшті Піл.

Толық

Ағайынға жағынба

  • 0
  • 0

Ағайынға жағынба,
Жалбарынып, жалынба.
Бағаң сенің бес тиын,
Отырмасаң тағыңда.

Толық

Қарап көріңіз