Өлең, жыр, ақындар

Қазан мен құмыра

  • 08.08.2019
  • 0
  • 0
  • 1522
Құмыра өзінің тегі әлсіз болса да,
Қазанменен достық құрды соншама.
Есеп бар ма достықта? Қазан бұған мәз әлгі,
Ал, Құмыра өзімсінді Қазанды.
Қатар тұрды отта да олар жұптасып;
Таңертеңнен кешке дейін бір болды,
Сәл бөліну – мұң болды.
Дәйім бірге ұстасып,
Бірге жүрді, қысқасы.
Бірде Қазан әлемді аралауға қамдана,
Шақырды ол досын да;
Құмырамыз дәйім оның қасында,
Екеуі кеп отырды бір арбаға.
Жайсыз жолмен достар жүріп келеді,
Өзара олар соқтығыса береді.
Шоқалағың, ой-қырың
Қазаныңа түк емес, Құмыраға – ой, пірім!
Әр теңселіс Құмыраға батады,
Сонда да оның қайтқысы жоқ – шатағы,
Өйткені, бір ләззат балын татады
Қазанменен достығы үшін ол әлгі.
Жол уақытын айта алмаймын біліп дәл,
Естігенім рас мына хабарды:
Аман-есен Қазан үйге оралды,
Құмырадан қалыпты тек сынықтар.
* * *
Ей, оқушым, мысалды оқи көрме асығыс,
Махаббат пен достықта теңдік болу – асыл іс.



Пікірлер (0)

Пікір қалдырыңыз

Алғашқы сабақ

  • 0
  • 0

Қаулыға сай қазақ тобы ашылып,
Мұғалім оған ашынып,
Дегбірін қашырып,
Түйіп алып қабағын,

Толық

Қашан көрсем, тұрасың сен күлімдеп

  • 0
  • 0

Қашан көрсем, тұрасың сен күлімдеп,
Күн шығыстан күліп шыққан күнім боп.
Өзіңді де, өзгені де мәз қылып,
Жайраңдайсың жан секілд мұңың жоқ.

Толық

Кілт пен құлып

  • 0
  • 0

Есікте құлып тұрды,
Тесікте кілт тұрды,
Соңғысы күліп тұрды:
– Құлыпты қашанда,

Толық

Қарап көріңіз