Өлең, жыр, ақындар

Қобызым

Қобызым, жеткіз баһадүрлердің дауысын,
делебем қозсын!
Жасындай ойнап намысым.
Надандық билеп,
арамдық төстер күн туса,
құрбан бол, жаным,
Адалдық пенен Ар үшін!

Қобызым, жеткіз Құлагер аттың шабысын,
рухына мінсін Ақандай туған арысым!
Тайраңдап жүрген Батыраштардың бүгінгі
кәлласын қақсын жазықсыз төккен қан үшін!

Қобызым жеткіз, абызым Абай өкпесін,
ұрпақтарына аруағы ренжіп кетпесін.
Екі дүниенің барына сенбес есмалта
ертеңгі күнге мұнафиқ дәнін екпесін!

Қобызым жеткіз, алмассын күнің түніңмен,
шабытымды оят!
Айтылмай қалған сырым мен
жазылмай жүрген жырымды,
жеткізем мен де
шындықтың зарын, қобызым, сенің үніңмен!



Пікірлер (0)

Пікір қалдырыңыз

Қоңырау үні

  • 0
  • 0

Алғашқы қоңырау.
Мектеп алды лық толы.
Көңілде – қуаныш,
ата-ананың күпті ойы.

Толық

Тәуелсіздік деген осы

  • 1
  • 2

Ардақтайтын ана тілім – бастауым,
Ата Заңым – арқа сүйер асқарым!
Армандаған болашақты баянды
Арландары – жалындаған жастарым!

Толық

Тәуелсіздік – тәуекел

  • 0
  • 0

Ғасырлар үнін жаңғыртып жеткен бостандық –
ғасырлар бойы зарығып жүріп тосқан құт.
Аңсаған арман қанатындағы бір үміт –
Азаттық оты өшпесе екен деп жасқандық.

Толық

Қарап көріңіз