Өлең, жыр, ақындар

Көктемгі махаббат

  • 07.06.2022
  • 0
  • 0
  • 1025
Сұлулық боп жар салып
кеткелi тұр бақ гүлдеп.
Көктем жатыр ән салып
га-га галап, гәккулеп.
Нұр сiңiрiп белеңi,
ұйып қалған бар алап.
Екi ғашық келедi
сол көктемдi аралап.
Келе жатыр екеуi
жүздерiнен нұр есiп.
Келе жатыр екеуi
iздерiнен гүл өсiп.
Сол екеуi өткенде –
бiр үн төгiп тербедi –
күйге дерткен шектердей
Жердiң ендiк, белдеуi.
Олар өтсе тұсынан
қонады кеп кеудеге –
жапырақтың ұшынан
тайып түскен сәуле де!
Дiр еткiзiп қияқты
екеуiне бiр қарап –
шықтар жұлдыз сияқты
бара жатар сырғанап.
Махаббатқа арайлы
көктемде осы басталған
мойнын бұрып қарайды
аққулар да аспаннан!



Пікірлер (0)

Пікір қалдырыңыз

Бабай түкті шашты Әзиз

  • 0
  • 0

Алдымен –
Тылсым бiр! –
Күмбiрлер мен күңгiрлер шықты.
Сонан кейiн

Толық

Қажыдым

  • 0
  • 0

Бәле жайлаған елдей
Қажыдым.
Құзғын саңғыған жердей
Қажыдым

Толық

Дауасыздық

  • 0
  • 0

Дүние аласапыран.
Астаң-кестең.
(Бұл әлем
Талай-талай аласапыран мен

Толық

Қарап көріңіз