Өлең, жыр, ақындар

Ақын мен әкім

  • 24.08.2019
  • 0
  • 0
  • 1153
Жамбыл облысына қарасты
Ауданына Таластың
Келіпті деп барып ем
Жаңа әкім жарасты.
Жаңа жылдың қарсаңы,
Аз ба әуре-сарсаңы.
Жиналыстан шықты әрең,
Мүмкін, қатты шаршады.
Келіншегім қасымда,
Көңіл шіркін тасуда.
Қызметімен әкімді
Құттықтадым расында.
Қаратаудың қаласы,
Алматы мен арасы
Жеті жүздей шақырым
Болып қалар шамасы.
Біраз ұзақ жол еді,
Жеткеніміз сол еді,
Досан мырза сараң ба?
Шәй ішіңіз демеді.
Жаңа жылдың алды деп,
Жеңгей келіп қалды деп,
Ұсынбады конфет те,
Көңіл қатты қалды тек.
Қонақ келсе, шат күліп,
Күткен қазақ тақ тұрып.
Үйге жылан кірсе де,
Шығаратын ақ құйып.
Қайда жақсы салтымыз?
Кең пейілді дәрпіміз?
Сыйластықты ұмытсақ,
Кім болады халқымыз?
Ел сыйына сай қонақ,
Емес ем ғой жай қонақ.
Неге аудан әкімі
Жүз танытты тайғанақ?
Тыным таппай күн-түні,
Жырлап жүрген жұрт үнін,
Баласы ем ғой белгілі
Бүкіл қазақ жұртының.
Талас туған жерім ғой,
Талас думан елім ғой.
Ел мен жердің мен де бір
Азаматы едім ғой.
Болса болар әкімің
Жүзіндей-ақ бәкінің.
Туған елдің есінде
Қалар мәңгі ақының.



Пікірлер (0)

Пікір қалдырыңыз

Көйлек хикаясы

  • 0
  • 0

Арман таңнан заулайды,
Тайбурылдан аумайды.
Төбешіктен қарғиды,
Көк шалғынға аунайды.

Толық

Көз

  • 0
  • 0

Көз
Жақсы, жаман неменің
Мән бәрін де көремін.
Абдрахман Асылбек

Толық

Қасиетті ана

  • 0
  • 0

Анам мені құрсағында көтерген,
Көтерген де, көңіліме от өрген.
Менің бүкіл тірлігімнің төлеуі
Анашымның құрсағында-ақ өтелген.

Толық

Қарап көріңіз