Өлең, жыр, ақындар

Тұншыққан торғайлар

  • 25.08.2019
  • 0
  • 0
  • 1168
Қара түтін қақтаған
Қала үстінде қаптаған
Торғайлар толып жүрді,
Талдан-талға қонып жүрді,
Күндері қараң болып жүрді.
Қараторғай, Жауторғай...
Жоқ еді бір сау торғай.
Шеттерінен тұншықты,
Күңіренген үн шықты:
– Қараторғай – қарамын,
Сиқы мынау қаланың.
Қара түтін қақалтып,
Демімді әрең аламын.
Ән салуға шама жоқ,
Қиқылдайды тамағым.
Көп тумамнан айырлып,
Жасқа толды жанарым.
Бозторғай-ау, қарайып,
Саған не жоқ, қарағым?
– Рас, бұрын боз едім,
Бозторғайдың өзі едім.
Қара түтін оранып,
Қара болды өз өңім.
Күй салатын күйім жоқ,
Бір сұмдықты сеземін.
Өлетұғын тұншығып,
Келді білем кезегім.
Шамам жетсе, біржола
Бұл қаладан беземін...
Болмаса да дәу торғай,
Шиқылдады Жауторғай:
– Достар, мен де сорладым,
Еркін ұшып-қонбадым.
Үлпек жүнім қарайып,
Қара торғай болғаным.
Бұрынғыдай сайрау жоқ,
Құр шиқылдап қалғаным.
Түтіні жоқ таза ауа
Жұтатұғын бар ма күн?
Дұрыс болар қаладан
Іргені аулақ салғаным, –
Осылайша көк құшып,
Көп торғайлар кетті ұшып.
* * *
Ей, адамдар, адамдар,
Кезің келді алаңдар.
Көк түтінмен күн көрер
Қаншалықты шамаң бар?



Пікірлер (0)

Пікір қалдырыңыз

Әнші

  • 0
  • 0

Тұрып алаң-елеңде,
Болат басты ыңылға.
Әлде, жаңа өлең бе?
Түсінбедік шынында.

Толық

Керемет менің көріктім

  • 0
  • 0

Керемет менің көріктім,
Кенеттен сені көріппін.
Сол күннен нәзік сезімнің
Тізгінін саған беріппін.

Толық

Жапырақтар мен тамырлар

  • 0
  • 2

Тұрғанда күн ысынып,
Жерге сая түсіріп,
Сыбдырады Жапырақтар талдағы,
Сыр шертісіп самалменен шамалы.

Толық

Қарап көріңіз