Өлең, жыр, ақындар

Операция

  • 27.08.2019
  • 0
  • 0
  • 1003
Қиналып біреу жатыр өлейін деп,
Жарықты соңғы рет көрейін деп.
Жанында жалбарынып жақыны тұр,
Дәрігер не сұраса, берейін деп.
Біліп тұр дәрігер де жан болмасын,
Жанашыр жақынының жан далбасын.
Сонда да сол ауруды сойып тастап,
Толтырып алды ақшаға жанқалтасын.
Екінші біреу жатыр тексеріліп,
Кеселі қорыққанға қос көрініп.
Оташы: «Операция керек», – деді,
Аурудың аңқаулығы ескеріліп.
Пышаққа ақырында ол да түсті,
Қымбатқа, арзан емес, молға түсті.
Оташы ақшасын ап, о дүниеге
Жіберді аттандырып ол байқұсты.
Оташы тез арада байып кетті,
Кім оның бұл тірлігін айып депті?
Алайда, алаяқтар аңдып жүріп,
Бауыздап, ақшасын ап, тайып кетті.
Мінеки, ақша табу жолы осындай,
Арыңды сатып жүріп боласың бай.
Бір күні сен де өлікке айналарсың,
Бақсының жалғыз қалған моласындай.



Пікірлер (0)

Пікір қалдырыңыз

Астана

  • 0
  • 0

Қазақтың кең байтақ даласы,
Алтай мен Атырау арасы.
Сарыарқа жерінде,
Орнады төрінде

Толық

Бас пен қол

  • 0
  • 0

Бұрын істің бәрін Бас атқаратын,
Ақыл-ой сол арқылы жасақталатын.
Кейін ол міндет қолға көшті,
Қол емес – сорға көшті.

Толық

Жала мен пара

  • 0
  • 0

Пара мен Жала кезікті,
Бірін-бірі тез ұқты.
Сөзді Пара бастады:
– Екеуміз мүшеміз бір бастағы.

Толық

Қарап көріңіз