Абай атаға арнау

Абай атаға арнау.
Абай ата, мақтанамыз өзіңізбен,
Қазақ елін жырға қосқан сөзіңізбен.
Әрқашан да бас иеміз рухыңызға,
Бас ақыны қазақтың өзіңіз деп.

Қосайын мен жырға бүгін өзіңізді,
Жырлайын артта қалған сөзіңізді.
Мәңгілік жадындасыз қазағымның,
Үлгі аламыз Абай ата өзіңізден.

Жырладыңыз қуанышты, қайғыны да,
Қазағымның бақытын, зар – мұңын да.
Қазақтың бас ақыны өзіңіз деп,
Сақтаймыз әрқашан да санамызда.

Қазақ халқы мақтан тұтып өзіңізді,
Атыңызды кірлетпейміз ешқашан.
Тұрасыз сіз әрқашан да жүректе,
Бас ақынға лайық атпен биікте.

Қалдырдыңыз артыңызға мұраңызды,
Жетелейміз өзіңізді жыр аңыз ғып.
Абай ата, өшпейді мәңгі жырларыңыз,
Атыңызды ән қылып біз жырлаймыз.

Адалдықты қашан да серік еткен,
Абай ата, мәңгілік жыр боп өткен.
Өзіңізге бас иіп ұрпағыңыз,
Жыр жазады, өзіңізге шын жүректен.

---