Құйшы досым! – Абзал Алтый

Құйшы досым
Ішейік құлағанша...
Өткізсек те өмірдің соңғы кешін
Жалғанның жарты тасын көтере алмай
Мына байғұс "арақтан өлді" десін

Шайқап жібер шөлмекті,құймас бұрын
Бізді де шайқамап пе ед тағдыр солай
Ештеңе де демей ақ тартып жібер
Қазір тілек айтудан қарғыс оңай

Толтырып құй
Ішейін босағанша
Айырылғанша есімнен,тепкілесін
Қане досым соғыстыр, стақандай
"Басын соғып өмірден өтті"десін

Жұрт біздегі жағдайды қайдан білсін?
Түсінбейді...қайтеміз текке кейіп?!
Жеп жібер "зәкүскіден", ертең елдер
"Аштан өлді" демесін...жеп кетейік!

Ащы судай "бес күннің" өңешінен
Өзегіңді тырналап аттанарсың
Ағыңнан құй досым-ау, ақтан көріп
Бізді кейін жұртымыз ақтап алсын

Соңғы рет құй
Толтырып бір тартайын
Толық болсын өткізер соңғы кешім
"Зәкүскі" бер, бірдеңе жеп кетейін
Аштан емес, "арақтан өлді" десін... (С) Абзал Алтый