Алаша көл

Сан бояумен көмкергендей жараса,
Жұлдыздармен сырласатын тамаша
Құмдауыт жайылымы малға жайлы,
Ертегідей аңыз көл бар- Алаша.
Қозыларды айдаушы едік таласа,
Көл тасыса қуанушы ек балаша
Көк майсадай құлпыратын жер жүзі,
Күншығыста шағын көл бар- Алаша
Қайнап жатқан қазандайын қақпағы,
Қиыршық тас құмды болар бас жағы.
Өрнектелген кестеленген жан-жағы,
Жанға шипа дәрулігі-батпағы
Талбөгет маңайында орналасқан,
Суландыру жүйесін қолдан ашқан
Суы – қышқыл болғанмен балығы мол,
Дәмі кетпес тортаның кеште асқан
Балық қорын іздесең Алашадан
Көлдің суы терең де,қара шалаң.
Дербес көлдің бастауы дарияда
Жағасында құстар бар ұя салған.
Ертеде көл жағасын мекендеген
Аштықта талай жанның көзі сенген
Ауылдың айналған ырысына,
Нәсібі мен ырзығын Сырдан емген
Жауға шапқан батырдай құлазып көл,
Ну тоғайдан белгі жоқ,қуарған шөл
Аты бар аңыз боп ел аузында,
Кілемшедей сыр тартар Алаша көл.

---