Әкеме – Алтынбек Ермаханов

Әкеме

Айбаттысың, ардақтысың, ақылшымсың.
Қайраттысың, келбеттісің,көріктісің.
Қамқоршымсың қиналғанда табылатын,
Асыл әке жебейтұғын періштемсің.

Көп сөйлемей жұмысқа бейімдедің.
Оқыттың көзі ашық жанның бірі еттің.
Ұл-қызың дұрыс өмір сүру үшін,
Мандайыңнан талай ащы терді төктің.

Қалмасын балам өзгенің баласынан.
Қалмасын балам өзінің қатарынан.
Демеп жүрдің әкешім сен осылай,
Тәрбие бердің осылай жастайымнан.

Есейдім әке өзіңнің көз алдыңда.
Ала жіпті аттамадым не болсада.
Кейде әке бола білдің сырласымда,
Кейде әке бола білдің жолдасымда.

Мойынсұнба тағдырдың жазғанына.
Көнсең әке бақыт жолы әлі алда.
Мен көтерем әкешім тұғырыңды,
Бағындырмаған өзгелер биік шыңға.

Мына менің жүрегімде намыс бар.
Мына бойда әке сенің қаның бар.
Ант беремін әкешім мен өзіңе,
Ұрпағыңды жалғастырам мен дүниеде