Туған жерім-тұғырым – dilnazserikbai

Ата-бабам жүріп өткен-туған жер,
Елім үшін қан төгілген-туған жер.
Абай,Сәкен,Ахметтің мұрасы
Қасиетін жоғалтпаған-туған жер.

Намыстыда бермей қолдан елі үшін,
Хас батырлар дуние салған-туған жер.
Топырағының кетпей иісі мен үшін,
Ауасы да мөлдір,таза-туған жер.

Қорқыт үні бар әлемге бөленіп,
Сегіз қырлы, бір сырлысын-туған жер.
Ақындардың қан жазуы төгіліп,
Тарихынан сыр шертетін-туған жер.

Жөргегіңді суық суға жуған жер,
Айналайын, қасиетті туған жер.
Мен өзіңде арман қуып келемін,
Өзіңнен мен шабыт алам туған ел.

Бастау алар бұлақта таудан басын,
Секілді мен- бұлақ,сен-тау жотасың.
Құдды бір екеуміз тек бір әлемдей,
Мен-суретші,бейнелейін тау мен тасын.

Жер-Ананың сыйы сенсің-туған жер,
Ел жүрегі,асылысың-туған жер.
Көркейе бер,нұрға бөлеп ғаламды,
Мәңгі сені сүйіп өтем-туған жер.