Туған тілім-тірегім – Самал Даулетова

Туған тілім – қасиетті тірегім,
Кеудемдегі тыныстаған жүрегім,
Қазақ деген текті елдің ұрпағы
Қарыштап дамуыңды тіледім.

Мен тіліммен алам әркез мақтана,
Осы тілде жыр жазамын ақтара.
Осы тілде ән саламын төгілтіп
Осы тілмен жауап берем басқаға...

Тілім барда ешкімнен жасқанбаймын,
Еңсем биік бәрінен асқан баймын.
Өресі кең,қоржыны бай дара тілім
Асқақтай бер,өсе бер Ана тілім.

Туған тілім тұғырынан таймасын,
Алашымның аспанында шарласын.
Тіл тағдыры-ұлт тағдыры дегендей,
Қазағымның басында мәңгі орнасын.

Ең жағымды,ең әсерлі ұлы тіл,
Бағалай біл,есте сақта мұны біл,
Әр сөзінде жатыр терең мағына,
Тәуелсіз елдің жаратылған бағына.

Тілімізді өзге тілмен ластаған,
Пенделерді көрсем ылғи жасқанам,
Қай түкпірде жүрсемдағы ойланбастан
Қазақ болып туғандығыммен мақтанам.

Осы тілмен тыңдағам бесік жырында,
Осы тілмен қайтарған жауын бұрында,
Мәртебесін тіліміздің асқақтату
Мына біздей жалынды жастар қолында.

Сен жайында жазды талай ақын ұлы,
Саған арнап жазылған жыр да толы,
Төл мерекең құтты болсын бүгінгі
Шешендік сөздерің бар ұғымды,
Жаса мәңгі қазағымның Ана тілі.