Маңғыстау – qanatuly_nauryzbai

Маңғаз өлке - Маңғыстау құдыреттім,
Дарабозын даралықтың дүбірлеттің.
Әулиелер қорғаушы құт мекенде
Дүниеге келгеніме шүкір еттім!!!

Бекет ата мекен еткен айлағы,
Әулиелер қорғап тұрған аймағы.
Адай ата із қалдырған мекеннің
Әр қашанда биік болмақ байрағы.

Батырлықтың бастау алар қайнары,
Текті ұрпағы тентек мінез айлалы.
Ақын, жырау толғаса табиғатын
Жазғы кештің самалындай жайдары.

Қоныстанып қарт Каспийдің жағасын,
Қанжығалап көреген жанның бағасын.
Жақұттары жалтырап әрбір маңнан
Қаратауда тоғыстырған тарих тағасын.

Өнімді өндіріспен өлкем тыныстаған,
Қара алтыным апайтөс ырыс маған.
Болашаққа Адайдың көшін бастап
Тұғырлы түбек барады ту ұстаған!

Маңғыстау - аспан асты мұражайым,
Төккен нұр көктен шуақ күн арайын.
Әр тасыңды қорғап өтем жырменен
Ата жұрт төске таққан тұмардайын.