Қалам – Берік Ақерке

Білім алу инемен құдық қазғандай ,
Біліп алу дүйім жұрттан озғандай .
Сурет салып өлең жазып қояйын ,
Қаламды әкел отырып ап қозғалмай .

Суреттейін тау - тас және аймақты ,
Суреттейін карта және байрақты .
Бұл ғаламның түрлі – түрлі дыбысын ,
Нота жазып осы қалам сайратты .

Қалам менің қалтамдағы құралым ,
Жазатұғын туған жердің жыр- әнін .
Қалам- менің жол бастаушы құралым ,
Табатұғын жұмбақтардың жауабын .

Қаламменен өмірге өрнек саламыз ,
Қаламменен талай қамалды аламыз .
Қаламменен қауыштырып жүректі ,
Ақын болып отты жырды жазамыз .

Қалам күші бәрінен де ғаламат ,
Қалам үші тек шындықты жаза алады .
Сондықтан да жақсы көрем мен оны ,
Сұрқияны тастау үшін жазалап .

Берік Ақерке 8-сынып оқушысы ШҚО Глубокое ауданы "А.Байтұрсынов атындағы орта мектеп"КММ