Қазақ тағдыры

Қазақтың тағдырын
Ойлап қарасаң
Өз өзiңнен түршiгiп,
Өз өзiңнен тоңасың:
Оның өткен жолы да,
Бүгiнгi жолы да,
Тiптi ертеңгi жолы да
Тар жол тайғақ кешулi
Боран мен борасын.
Зорға ашасың
Тарихтың әр бет,
Әр бiр парағын, –
Өйткенi оның
Әр бет, әр бiр парағы
Тонна-тонна
Ап-ауыр
Қайғы мен
Тонна-тонна
Ап-ауыр нала, мұң.
Мына қу тағдыр
Бұл халықты
Балшықтай езiп,
Жүндей түтiп
Жасытқан секiлдi...
Тiптi оның–
Жейтiн нанын да! –
Жаңбырдай сорғалаған
Көз жасына илеп,
Булыққан
Ашу мен ызасына
Ашытқан секiлдi.

---