Өзіңді өзгеге мен қия алмаймын

Өзіңді өзгеге мен қия алмаймын.
Өзгені өзіңдей мен сүйе алмаймын.
Бір минутта жүрегім қанша соқса,
Бір күнде соншама рет сені ойлаймын.

Сені жаным қызғанамын өзгеден.
Сезінемін тек бақытты өзіңмен.
Не болса да бәрін бірге көрейік,
Мен осыны тек өзіңнен өтінем.

Махаббаттың айдынында жүзейік.
Мейлі жаным жылайықта, күлейік.
Екі жарты бір бүтін боп өмірде,
Қол ұстасып мәңгі бірге өтейік.

Аяулы жар, асылымсың, алтыным.
Бұл дүниеде баға жетпес бақытым.
Есте сақта бір нәрсені әрдайым,
Жырға толы өзіңменен әр күнім.

Сені жаным күні-түні ойлаймын.
Ойламастан өмір сүре алмаймын.
Өзіңе мен бауыр басып қалғасын,
Мен өзіңді ешбір жанға қимаймын.

Жаным деп еркелетіп әрбір күні.
Қолыңа ұсынарма едім әрбір гүлді.
Тек өзіңмен бақытты сезінемін,
Бақытты сезінемін мен өзімді.

Байлыққа қызықпаймын өзің барда.
Нұрға толы жанарың жүзің барда.
Өзіңе тең келмейді періштем-ау,
Қаншама болсадағы қыз ғаламда.