Өлең, жыр, ақындар

Қайтер едің?

  • Bain
  • 30.04.2015
  • 1
  • 0
  • 9777
Үмітпен созған қолыңды тағдыр қақса,
Біліп еткен ісіңнен зор мін тапса,
Оң дегенің теріске һаман бастап,
Арбаң сынып, өгізің өліп жатса.
Жан ашыған сөзіңді дұшман көріп,
Қоңырайып достарың салқын тартса,
Суық жылан араңнан кесіп өтіп,
Сөнбейтұғын өсектің отын жақса.
Жаның сүйіп барғанда сенен безіп,
Жоқтай болса дұшпаны сенен басқа.
Тіршіліктен көңілін неғып қайтпас,
Еңбегің болса егіндей еккен тасқа.
Адаспаса иесін табар бұл сөз,
Мағынасы шақырып дабыл қақса.
Қайтер едің, жігітім, сырыңды айтшы,
Бақытыңа кез болса мұндай һәсте?



Пікірлер (0)

Пікір қалдырыңыз

Арманым

  • 1
  • 3

Зор арманым - жиһанды жүрмін кезе алмай,.
He бар, не жоқ - дүние халін сезе алмай.
Зейінім - ауыр, қолым - қысқа, жолым - тар.
Іздеген мұрат қолға тиіп тез алмай.

Толық

Мүдәррис әфәндіге жазған бір мәктубім

  • 1
  • 0

З... әфәндия жолдадым хат,
Көре алмай дидарыңыз біз бұл сағат.
Мақсудым жатырқамай жанасуда,
Жан құмар жақсыларға біздің ғадәт.

Толық

Жұмбақ

  • 0
  • 1

Һәр түрлі бір түбекті аң жайлаған,
Арыстанды бастық қып хан сайлаған.
Айдаһар, жолбарыстан уәзірі бар,
Батырдың ғайратына жан таң қалған.

Толық

Қарап көріңіз