Аяулы, асыл Анашым

Анашым, жүрегімде жанған отсың,
Ештеңе сөндіре алмас, сөнбес шоқсың.
Ақ сүтіңмен нәр беріп сәби күнде,
Аяусыз, жалғыз тастап көрген жоқсың.

Асылым, ардақтымсың, аяулы Анам,
Өмірде сенен жақын таппас балаң.
Асудан, бел – белестен өткен кезде,
Сен бар деп, балапаның болмас алаң.

Қолдаушым, қорғаушым да өзің Ана,
Сүйенерім, сенерім, өзің ғана.
Өмірімнің мәні де, сәні де сен,
Асыл анам, аман бол, жүзге жара.

Аялап, мәпелеген алақаның,
Жанына жылу алар балапаның.
Өміріме мән берген жан анашым,
Жігер мен алға сүйрер қуат күшің.

Ағайын алтау болса, ана жалғыз,
Өмірім мәнсіз болар анашымсыз.
Астында табанының жұмақ кілті,
Қадірін білгенім жөн бар алтынның.

---