Арман - қанат

Бар табиғат сұлулығы бөктерінде
Таудай болғым келеді көк тіреген.
Аспаннан жұлдыз ағып, тіл қатса егер
«Айналдыршы мені тауға» деп тілер ем.

Құс та болғым келеді қос қанатты,
Әлемі бар ғажап оның «Аспан» атты.
Қыран болып ұша алсам ғой алыс жаққа
Бұлбұлдайын тәтті үнмен сайрап бақта.

Келеді жұлдыз болғым алып Күндей
Бар әлемге жылу менен жарық бөлген.
Таң ата көрінгенде Күн төбесі
Шашылатын алтын нұры тарап жерге.

Арманым көп, демей ме арман – қанат,
Жетелейтін сол арманға таудай талап.
Күн биікте, қол созамын биіктерге,
Армандарым, сенем, ертең орындалад(ы).

---