Жүректер іздегенде

Бал сезім байлады көңілді
Жүректі жайлады жұпар мұң,
Сабырдың себеті сөгілді
Өзіңді ойлаумен жұқардым,

Аспаннан төгіліп аппақ нұр,
Махаббат түсірді қақпан ап...
Не деген сәттер-ау, тәтті-ақ бұл,
Бір күндік – мың жылға нақпа-нақ...

Төзімге тоғытты қашықтық,
Сезімдер, сол ұтты – ұлылық
Шаттықты кеудеден тасыттық,
Сағыныш алдады ұры ғып....

Аралық - аспанды қақ бөлед
Тулатып тамырда от ұдай
Жүректер іздеген сәтте кеп...
Құшақтар қауышса, О, Құдай!