Мұхит

Жатпағасын күнде шайып iргенi,
Мұхит жайлы ойланбаппын әсте мен.
Құшағына алып тылсым түндегі,
Ендi осынау алып суға қашты өлең.
Қиялымнан қайық жасап мен бүгiн,
Сағат сайын сол мұхитқа жiберем.
Жүрегiмдi желкен еткен ерлiгiм,
Айлағыңда аялдар деп тiлегем.
Алып суда таң да атар, батар күн,
Толқын тұрса – бөтен бақыт, бөтен той.
Көкжиегi көз талдырып жататын,
Мұхит деген мың сағыныш екен ғой...
Ұшып өтер қанат қайсы, амал жоқ,
Қиял ғана құшағында тербейдi.
Сәлем айтып жiберер ем саған деп,
Бiздiң жаққа шағала да келмейдi.
...Алып мұхит, кеудемдегi дертiмдi ал,
Тынысыңды жаңалыққа жаршы етем.
... Сен демалған жағаны ұрған толқындар,
Бiздiң жаққа жауын болып жауса екен...

---