Өлең, жыр, ақындар

Марқаю

  • 27.06.2022
  • 0
  • 0
  • 567
...Жемтік іздеген
Қара құс —
Тас төбемде
Шүйіліп жүр...
Әне бір бұлт
Қарынға жабысқан
Қара талақтай боп
Түйіліп тұр.
Жан-жағынан салбыраған
Ұзын-ұзын
Түкті сирақтарымен
Мені бүріп
Алып кетердей;
Не болмаса
Бойына жасырған
Жай оқтарымен
Қақ айырып
Жарып кетердей...
... Кенет,
Бір кезде
Қап-қара бүлт
Іріп кеткендей
Өліп бара жатты.
Бүкіл
Қаһарынан айырылып
Семіп бара жатты.
... Өкпек жел шығып
Әлгі бұлтты
Ит тартқан
Тулақтай етіп
Сүйрегенін-ай.
Көз алдымда
Әлгі бұлттың
Күл-паршасы шығып
Күйрегенін-ай...
Соны көрген мен
Алдыма
Сарыарқаны жайып
Марқайдым.
Арқамды
Алатауға тіреп
Шалқайдым...



Пікірлер (0)

Пікір қалдырыңыз

«Бекет ата» басында

  • 0
  • 0

Астасатын Үстiрттiң қиырымен,
басталатын алып ой бүйiрiнен, –
«Бекет ата» басында арқар деген
үйiрiмен жүредi

Толық

Жақсы сөз

  • 0
  • 0

Мен бүгiн
Жанымды майдай ерiткен
Жақсы сөз естiдiм.
Сол сөзден

Толық

Тартылыс заңы

  • 0
  • 0

Тартады менi, тартады
таулар да,
баулар,
жолдар да.

Толық

Қарап көріңіз