Арман қала-Астана

Арманым, болашағым-Астанам,
Еш нәрсе бір өзіңнен аспаған.
Нық сенімді серік қылып болашаққа
Барайын есігіңді аш маған.

Уа, Астана, Қазақстанның жүрегісің,
Саған айтар алғысым, тілегім шын.
Сен менің жүрегімде орын алдың,
Білемісің, сен соны, білемісің?

Сені әрдайым қолдайтын да біз ғана,
Қолпаштайтын, қорғайтын да біз ғана.
Барлық әлем тәнті болып көркіңе,
Қарайды олар қызыға да, қызғана.

Бәйтерегің аспаныңмен тілдескен,
Есілің бар сұлулықпен үндескен.
Астананың көркіне көз тоймайды,
Керемет қой сұлулықпен күн кешкен.

Астанамыз жаңа, әсем, жас қала,
Алда тұрар, көшбасшы да, бас қала.
Астана-ол әр нәрсенің бөлшегі,
Басталмайды онсыз жаңа бастама.

Әсем қала, ару қала, Астана,
Төрткүл дүние мойындаған Астана.
Менің саған арнайтын бір тілегім,
Жаңара бер, көркейе бер, Астана!

---