Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Сапар ғажабы!

Нұрсултан Қожағұл

Сапар ғажабы!

Ей, орамал, орамал,
Болдың маған жорамал.
Ғажайыпты сиқырмен
Мені баурап орап ал!
Ей, садағым, садағым.
Сені аңға қададым,
Басқаларға көрсеткен
Болдың үлкен мадағым.
Ей, жұлдызым, жұлдызым,
Сапар шеккен құндызым.
Бағдар-бағыт беретін,
Компасы едің ұл-қыздың.
Ей, құлыным, құлыным!
Желбіреген тұлымың,
Ат-әбзелін таққызған,
Құлыным, берік жұлының.
Ей, қыраным, қыраным,
Басын алған жыланның.
Сені аспанға жіберіп,
Сауық-сайран құрамын.
Ей, алабай күшігім,
Сені көрсем күштімін.
Қасқырлармен жұлысқан
Талап қырған күшігім.
Ей, қазаным, қазаным,
Сенде піскен сазаным.
Сенде піскен күйімен,
Пісе берсін тамағым.
Ей, қазағым, қазағым,
Осылармен базарым.
Жеті маған керекті
Сапардағы ғажабым.

bilim2019 сапар ғажабы! Kozhagul2004 өлеңдері

Пікірлер (0)

Пікір қалдырыңыз


Қарап көріңіз

Басқа да жазбалар

Жаңалықтар

Нақыл сөздер

Соңғы жоспарлар

Пікірлер