Өлең, жыр, ақындар

Үстірт жолдары

  • 19.03.2020
  • 0
  • 0
  • 1224
Шексіз, шетсіз не деген жол шаңдатқан,
Қанша, қанша менен бұрын жан басқан.
Ен далада көзге түсер көде жоқ,
Анда-санда жолды кесе аң қашқан.
Мен арбакеш, жол бастаушы ағамыз,
Тапсырма алған – қора, жайын қараңыз.
Кеше айтқан, шопан үйі осы жер,
Зырылдатып кәзір жетіп барамыз.
...Төмпек жатыр жиегінде тақырдың,
Моласы ма шөлден өлген пақырдың?
Кім біледі, әлде мұмкін мүрдесі,
Ел айырған, жау қайырған батырдың...
...Қанша, қанша менен бұрын жан басқан,
Дәл осы жер, мүмкін бабам қан шашқан...
...Мүмкін менің дәл кәзіргі өмірім,
Шешілді ме жарқылынан алдаспан...
...Шетсіз, шексіз не деген жол таусылмас,
Асыққаннан іше алмайсың таусып ас...
...Ғажап! Қалай бірін-бірі тапты екен,
Маң далада жауласуға қас пен қас?..



Пікірлер (0)

Пікір қалдырыңыз

Ауылда

  • 0
  • 0

Еске салар тәттіні қай-қайдағы,
Бақтылы мен Жұпардың балқаймағы.
Жан сусындар тыңдасаң ауыл шалын,
Бұлбұл үнді, зерлі сөз, бал таңдайлы.

Толық

Бір ән қалса

  • 0
  • 0

Жас шақта сескенбейсің дар ағаштан
Асаусың бұғалығын ала қашқан.
Көкірек әлі сазды, күйге толы,
Бір сарын орнап қалған бала жастан.

Толық

Ешкім естімеген аңыз

  • 0
  • 0

Жараттыңыз жерді, көкті,
Адамзатты асыл текті.
Ұшатын құс, жүгірген аң,
Он сегіз мың ғалам — көпті.

Толық

Қарап көріңіз