Өлең, жыр, ақындар

Төрелік

  • 19.03.2020
  • 0
  • 0
  • 873
Екі азамат ұстасса
Жасы үлкені кінәлі.
Арқалайды соңында
Жасы кіші күнәні.
Екі құрдас ұрысса
Ақылдысы кінәлі.
Би алдында қалады
Аңқауы боп күнәлі.
Құрдас қыздар керіссе
Ажарлысы кінәлі.
Қиын бірақ белгілеу
Қайсы қызға күнәні.
Ері әйелі ұрысса
Бабы жоғы кінәлі.
Шындығына келгенде
Шатақтауы күнәлі.
Көрші ейелдер керіссе
Барырағы кінәлі.
Бір еркекке таласса
Жары жоғы күнәлі.
Маскүнемдер ұрысса
Соры бары кінәлі.
Шынын айтсақ соларың
Шеттерінен күнәлі.
Екі тентек ұрысса
Жеңілгені кінәлі.
Артып алсын өзіне
Жеңбегені күнәні.
Ұрыс-керіс көбейсе
Заманасы күнәлі.
Ақсақалдар керіссе
Кімге артамыз кінәні?..



Пікірлер (0)

Пікір қалдырыңыз

Шәрбаттан балдай не пайда

  • 0
  • 0

Шәрбаттан балдай не пайда
Жұтқыннан әрі өтпесе.
Сұлудан "сұқсыр" не пайда
Тұшынып өзі өппесе.

Толық

Мен ойлана бастадым

  • 0
  • 0

Алпыс деген ақыл ма?
Мен ойлана бастадым.
Сарапқа сап сананы,
Мен толғана бастадым.

Толық

Жүрек жұтқан ерің мен

  • 0
  • 0

Аман қалған ажал оқтан, өлімнен,
Тұрып кеткен салып қойған көріңнен,
Қорқынышқа қылбұрау сап үйреткен —
Жүрек жұтқан, мақтанайын, ерің мен!

Толық

Қарап көріңіз