Сайын Назарбекұлы

Белгісіз өкпе дерті

Бұл бетте «Белгісіз өкпе дерті» атты Сайын Назарбекұлы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

07.06.2022
0
0
794

Жалқы Бала — Жер-Ана
Шалдығыпты дертке бір.
Соғыс, соғыс, соғыстар,
Бар мүшесі өртте жүр.
Жетім Баба — Жер-Ана
Шалдығыпты дертке бір.
Азаттықтың жолында
Палестина сертте жүр.
Жалқы Бала, жетім Баба,
Қорғансызым — жетім Жер!
Анаң сырқат, көңіл сұра,
Ей адамдар, жетіңдер!
Ғасырлардан жапа шеккен,
Өкпе кеткен езіліп.
Ойлады ма құтылмаққа
Адам сұмнан безініп.
Кімді емдесек ағайындар,
Жерді, әлде адамды?
Нені емдейміз, өкпені ме,
Әлде дертті, сананы?..

Ақтау. 12.05.03.

Сайын Назарбекұлы белгісіз өкпе дерті Сайын Назарбекұлы өлеңдері

Пікірлер (0)

Пікір қалдырыңыз

Жиі қойылатын сұрақтар