Өлең, жыр, ақындар

Бәсеке

  • 20.03.2020
  • 0
  • 0
  • 1418
Атағының жаны ашып жабысына
Қазақтар жүр жарыста сағы сына.
Арғымағын оздырып ағылшынның
Бiр қазақ жүр мастанып табысына.
Жатты-ау о да бесiкте тербетiле
Қалай қарап жүр солар ел бетiне?..
Бәйгi алады бiр қазақ Барбасарды
Түрiкпеннiң талатып төбетiне.
Қырсығынан сондайдың көшiм қалық,
Ал мәңгүрт жан мәз-мәйрам, төсiн қағып.
Болмайды екен күтпесем бiр күшiктi,
Бiр құлынды беретiн өшiмдi алып.
Сан таластым бiр кезде ектемдермен,
Жетпей тiлiм қорланып көктенген мен.
Ендi еш алам өлеңмен өз тiлiмде
Өзге тiлмен өзiмдi секкендерден.
Бәстесемiн – озамын бәрiнен де,
Тарихтың, табиғат нәрi менде.
Қазақ атам қалпына қайта түсер
Бойдан иiп беретiн бәрiн елге.



Пікірлер (0)

Пікір қалдырыңыз

Мажыра шақ

  • 0
  • 0

Сал жеңгенiң қойынындай
Қайнап тұрған құшағы.
Ыстық шағыл, пейiл қандай,
Мейiрлене құшады.

Толық

Туған жер

  • 0
  • 0

Атыңды жаттап өскен жастан адам,
Туған жер, ыстықсың-ау басқалардан.
Өзiңнен сәл биiктi көрсем болды,
Өлеңмен әр төбеңе тас қалағам.

Толық

Жылы жауын

  • 0
  • 0

Шақырайып талма түсте күн көзі,
Еркін билеп бар әлемді бір өзі.
Жан-жануар, өрт-лепте, дел-сал боп,
Қысылатын, сая таппай, бар кезі.

Толық

Қарап көріңіз