Өлең, жыр, ақындар

Ақыл туралы

  • 12.08.2018
  • 0
  • 0
  • 8351
Көрінген көзге жылы бет емес пе,
Құдайға имансыз құл шет емес пе?!
Адамның тіршілігі - тіл мен жүрек,
Екеуі екі-ақ жапырақ ет емес пе?!
Ақылды әуелде Алла мыңға бөлген,
Кім жақын құдіретіне, соған берген.
Тоғыз жүз тоқсан тоғыз тамам бітіп,
Біреуі бұл ғаламға ортақ келген.
Біреуін онан қалған алты жарған,
Төртеуін ғылым-білім иесі алған.
Күллі ерге біреуін қойған сайлап,
Тағы бірі бұл жерде жеке қалған.
Ол бірін жарты бөліп әйел алған,
Темірдің қорытылған боғындай боп,
Жартысы айдалада иесіз қалған.
Көшпелі, алған тауып, біздің қазақ,
Ақылың соның үшін болған аз-ақ.
Қатыннан қалған жарты ақылменен
Жүресің сендер қайтіп болмай мазақ?!



Пікірлер (0)

Пікір қалдырыңыз

Дауасыз дерт

  • 0
  • 0

Ағайын барды күндеп көре алмайды,
Жоқ болса, жомарттық қып бере алмайды.
Кәнеки, бермегенің сол емес пе,
Білмеген-білген тілін неге алмайды?

Толық

Жүйрік ат, көңіл ашар қыран, тазы

  • 0
  • 1

Жүйрік ат, көңіл ашар қыран, тазы,
Жігітті жібермейді малдың азы.
Әркім-ақ жамандыққа көңіл берді,
Тыятын болмаған соң мықты қазы.

Толық

Ғашық жігіт сөзі

  • 0
  • 0

Өтіпті Хасен бірлан ол Хұсайын,
Сайраған бұлбұл құсқа мен ұқсайын(ұсайын).
Құлақ сал, ау, жамағат, кеңесіме,
Азырақ өлең шырқап, ән қосайын.

Толық

Басқа да жазбалар