Өлең, жыр, ақындар

Елуге толған ұстазға

  • 20.03.2020
  • 0
  • 0
  • 1750
Төрт жирма бес өмір сүрген адам бар,
Әр қайсысы – ғажап алып қадамдар.
Бір жирма бес өмір сүрген адам бар,
Тындырғанын зерттер талай замандар.
Ұстаз үшін оқу жылы бір ғасыр –
Талай ғасыр өмір сүрген адам бар.
Ғасыр үшін жирма бес жыл бір қадам,
Жаны сұлу, өзі жап-жас адам бар.
Жас анадай түнмен кірпік қақпаған,
Шаршағанын берген білім ақтаған.
Тентектігін жас ұланның кешірген,
Сүйгендіктен еркелейді деп маған.
Реніш пе елуге жас жеткені,
Қуаныш па елге еңбек еткені!
Аппақ шашы – белгісіндей пәктіктің,
Куәсіндей аянбай тер төккені.
Жирма беске бұрын да бір келдіңіз,
Ұмытып та кетіппіз ғой, тіпті, біз.
Жирма беске тағы да бір шықтыңыз,
Балалық не, даналық не ұқтыңыз.
Құтты болсын қос жирма бес жасыңыз,
Құрметпен талай белден асыңыз
Мойындаймыз еткен сіздің еңбекті,
Алдыңызда иіледі басымыз.



Пікірлер (0)

Пікір қалдырыңыз

Құдайды ізде

  • 0
  • 0

Талғанда белің налыма, қалқам, ауырдан
Торықпа, тіпті қорықпа ешбір дауылдан.
Әділет ізде, Құдайды ізде қашанда,
Қалғанда көңіл қастыққа кеткен жауыңнан.

Толық

Анасы мен баласы

  • 0
  • 0

Ауырсынбас емшектің жарасын да
Ұрпақ үшін жан қияр шарасызда.
Әйел бағы неде екен, ол бір жұмбақ,
Ана баға ержеткен баласында.

Толық

Тау бұлағы

  • 0
  • 0

Моп-момақан қарасаң келбетіне,
Күз өткен соң есейіп, ержете ме?
Ұйқылы-ояу жатқаны тау еркесі
Ақ бесікте, бал-бөбек, тербетіле.

Толық

Қарап көріңіз