Сайын Назарбекұлы

Ауыл ақсақалы

Бұл бетте «Ауыл ақсақалы» атты Сайын Назарбекұлы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

20.03.2020
0
0
1882

Үлкен бапам Айдарбекке.
Отаны изен, жусан, ажырықтың –
Аулымда тіршіліктің сазын ұқтым.
Сол жердің киесіндей бір ақсақал
Жарықтық, тоқсан жаста, әлі тып-тың.
Қарайды көкжиекке көзін тігіп,
(Сөз тыңда жан-тәніңмен төзіп жігіт).
Сұңғыла, дәл осындай көре алмаппын,
Жартысын жер шарының кезіп жүріп.
Таулардың – Шерқала мен Айырықтың,
Тағы да басқалардың жайын ұқтым.
Дәметем жаңа әңгіме, тастай ма деп,
Қысқартып келтесіен қайырып тым.
Жарықтық, әлі тып-тың тоқсан бесте,
Ілескен, кейде әдейі, ермей көшке.
Сурылып төр ортада соғып отыр,
Жүйрікке талай тарлан бермей десте.

Сайын Назарбекұлы ауыл ақсақал ауыл ақсақалы Сайын Назарбекұлы өлеңдері

Пікірлер (0)

Пікір қалдырыңыз

Жиі қойылатын сұрақтар