Өлең, жыр, ақындар

Бәйге

  • 22.03.2020
  • 0
  • 0
  • 4362
Тайбурылдай жараған,
Жал-құйрығын тараған,
Жүйріктер тұр тыпыршып,
Арғымаққа балаған.
Міне, бәйге басталды,
Шабандозым, бас қамшы!.
Делебесі қозады,
Бәйге десе жас-кәрі.
Қиқулаған дауыстар,
Жаңғыртады аспанды.
Таң асырып бапталған,
Кіл сәйгүлік мақталған.
Шықты әне бір тұлпар,
Қара үзіп аттардан.
* * *
Тұлпарлар жарысқан,
Бәйге – сын, бәйге – үміт,
Ауыздықпен алысқан,
Қанатты сәйгүлік.
Қиқулап, қан қызып,
Делебең қозады.
Бәйгеде бар қызық,
Шын жүйрік озады.
Жұлдыздай ағады,
Бабамның күлігі.
Оятқан Даланы,
Арғымақ дүбірі.
Шап, шап, шабандоз!
Жүрмесін шет қалып.
Көсілсін тарланбоз,
Мәрені бетке алып!.

(балаларға арналған тақпақ)



Пікірлер (0)

Пікір қалдырыңыз

Тұсаукесер

  • 0
  • 0

Қаз, қаз балам десіпті,
Күрмеуіңді шешіпті.
Ала жібін ешкімнің,
Аттама деп кесіпті.

Толық

Руслан мен Жасұлан

  • 0
  • 0

Руслан мен Жасұлан,
Тете өскен жасынан.
Ағасынан інісі,
Қалмайды еш қасынан.

Толық

Менің тілім

  • 0
  • 0

Менің тілім – мәртебесі асқан тіл,
Мыңжылдықтан тамыр алған дастан жыр.
Алдаспандай қиып түсер жүзімен,
Анталаған жаудың мысын басқан тіл.

Толық

Қарап көріңіз