Өлең, жыр, ақындар

Гүл-гүл жайнап, күлсең ойнап

  • 31.03.2020
  • 0
  • 0
  • 2624
Қалам алып хат жаздым сізге таман,
Бір хат жібер кешікпей, сірә, маған-ай.

Қайырмасы:
Қыздарда да қыздар бар,
Жарылмаған қауындай.
Жігіттерде жігіт бар
Базар тонның бауындай.
Гүл-гүл жайнап,
Күлсең ойнап,
Қыз, бозбала шағыңдай.

Қалам алып хат жаздым, меһірбаным,
Сенсіз жерде болмайды менің сәнім-ай.

Қайырмасы:
Қыздарда да қыздар бар,
Жарылмаған қауындай.
Жігіттерде жігіт бар
Базар тонның бауындай.
Гүл-гүл жайнап,
Күлсең ойнап,
Қыз, бозбала шағыңдай.

Отыз тісің аузыңда-ай меруерттей,
Бес жасымнан мен болдым ғашық дертті-ай.
Ғашық болып бес жастан жаңа жеттім,
Дәуітұлы бұрынғы Жүсіпбектей.

Қайырмасы:
Қыздарда да қыздар бар,
Жарылмаған қауындай.
Жігіттерде жігіт бар
Базар тонның бауындай.
Гүл-гүл жайнап,
Күлсең ойнап,
Қыз, бозбала шағыңдай.

Зылиха мен бұрында Жүсіп өткен,
Ғашық отына олар да түсіп өткен-ай.

Қайырмасы:
Қыздарда да қыздар бар,
Жарылмаған қауындай.
Жігіттерде жігіт бар
Базар тонның бауындай.
Гүл-гүл жайнап,
Күлсең ойнап,
Қыз, бозбала шағыңдай.

«Сабыр түбі сары алтын» деген сөзі бар,
Мақсатына олар да жетіп өткен-ай.

Қайырмасы:
Қыздарда да қыздар бар,
Жарылмаған қауындай.
Жігіттерде жігіт бар
Базар тонның бауындай.
Гүл-гүл жайнап,
Күлсең ойнап,
Қыз, бозбала шағыңдай.



Пікірлер (0)

Пікір қалдырыңыз

Назқоңыр (1 нұсқа)

  • 0
  • 0

Көзімнің жанарындай сәулем едің,
Көңілімнің қуанышты дәурені едің.
Кетпейсің күндіз естен, түнде түстен,
Басымды не сыйқырмен әуреледің.

Толық

Ахау, жар

  • 0
  • 0

Ендеше торы дөнен, торы дөнен,
Болады байдан кедей соры жеңген, ахау, жар.
Жел сөзді бес-алты ауыз аямаймын,
Осындай Құдай айдап кезім келген, ахау, жар.

Толық

Кәмилә

  • 0
  • 1

Мен қайтейін қиғаш қара қасыңды,
Әуреледің неге сонша басымды.
Шын сүймесең, жаным сүйген Кәмилә-ау,
Мойныңа артам көзден аққан жасымды.

Толық

Қарап көріңіз