Қаракөз (2 нұсқа)

Құдай-ау құдыретіңе таң қаламын,
Жолында бір ғашықтың зарланамын.
Ішімді ғашық оты-ай күйдіреді-ау,
Сыртыма шығаруға арланамын-ай.

Ақ ерке, ақша мойын қалды-ау кейін,
Аллаға арызым жетпес мен не дейін.
Қолымнан жібек баулы ұшты тұйғын,
Берік ұстап, енді қонса, жібермеймін-ай.

Ақ сұңқар жаңа түлеп бізден ұшты,
Қайтейін, жұдалықты тәңірім қосты.
Тәжбір жоқ тағдырына деген ұқсап,
Дүниеде айрылмаған кімнің досты-ау!

Қайырмасы:
Аппақ етің қояндай,
Шошып сәулем оянды-ай.
Ғашық болған қара көз
Қызығыңа тоя алмай,
Ау, сүмбіл шаш!
Сен-ау айым, беу жұбайым,
Жан сәулем, айта беріп
Не қылайын-ай!

---