Өлең, жыр, ақындар

Ұлтжандылық көкіректе тұтанды

  • 02.11.2021
  • 0
  • 0
  • 684
Мұхит аға дейтін бізді «батырым»,
Директор ғой шығарса да батыл үн.
Көрші болып тап қасына барғанда,
Ерулік беріп, көрсетті зор шатырын.
– Әй, батырлар, бердіңдер ме ерулік? –
Деп сұрады көршілерден керім қып.
Дастархандас үндемеді жігіттер,
«Жоқ» деген сөз әкелердей өлім тік.
– Хаке, – деді, – директорлық жарлығым!
Жас та болсаң үлкен жолың бар бүгін.
Келіндерден үлкен кешірім сұраймын,
Боқта, – деді, – жігіттердің барлығын.
Жасқанушы болма, – деді, – тақсырым,
Өкпелеу де осындайда жақсы ырым.
Өзім бар ғой... түк қалдырмай сыбаймын
Бұзғандарды ата­баба дәстүрін.
...Күлкі келмей тұрса­дағы келістік,
Көршілер де деп жатты ғой «дұрыстық».
Үлкен аға ойнап қана айтса да,
Түбі терең дәстүр сырын ұғыстық.
Мырза халық негізінде кеншілер,
Табысы мол мықтылар ғой кең жүрер.
Содан кейін кезек­кезек шақырды
Қаптап жатқан маңайдағы көршілер.
Ұлтжандылық көкірекке тұтанды,
Дәстүр екен Құдай берер құт алды.
Осы күнде қосылғанда басымыз
Еске алып отырмыз Мұхаңды.



Пікірлер (0)

Пікір қалдырыңыз

Бір қазақты бөлмейікші екіге

  • 0
  • 0

Ескі Одақтың кезінде де бар еді
Елді үш жүзге бөлушілер әлегі.
«Командалық» ғұрып келді бұл күнде,
«Ескі», «жаңа қазақ» туды әлемі.

Толық

Төңірек көріктенді көктем келіп

  • 0
  • 0

Төңірек көріктенді көктем келіп,
Табиғат жаны кірді көркемденіп.
Беу, шіркін!
Кәкімбек Салықов

Толық

Кең жалғанды тарылтпа

  • 0
  • 0

Ән салсам сағынышты тереңдетіп,
Арманға көрем деген келем бекіп.
Аққудай сыңарына ұша тартқан,
Лебіңмен жібергейсің тез емдетіп.

Толық

Қарап көріңіз