Өлең, жыр, ақындар

Нарынбай қоспақ (1 нұсқа)

  • 08.04.2020
  • 0
  • 0
  • 950
Біздің ел жүруші еді Нарын жайлап,
Көкорай-ау, шалғынына бие байлап, бие байлап.

Қайырмасы:
Ей, ей, е-ей, е-ей, бие байлап, ей-уай!
Кешегі жиырманың тентегінде,
Біз жүрдік-ау құрбылармен күліп ойнап, күліп ойнап.

Ауылым Толыбайдың қуысында,
Қалампыр-ау, талшынменен уысында.
Өзіңмен айтқан сертті орындауға,
Барамын-ау, келер айдың туысында.

Қайырмасы:
Ей, ей, е-ей, е-ей, бие байлап, ей-уай!
Кешегі жиырманың тентегінде,
Біз жүрдік-ау құрбылармен күліп ойнап, күліп ойнап.

Ені жоқ, таңбасы жоқ қарала аттың,
Базарда-ау бәсі қымбат асыл заттың.
«Тек жүрсең, тоқ жүрерсің» деген сөз бар,
Жігітке-ау пайдасы жоқ жаман аттың.

Қайырмасы:
Ей, ей, е-ей, е-ей, бие байлап, ей-уай!
Кешегі жиырманың тентегінде,
Біз жүрдік-ау құрбылармен күліп ойнап, күліп ойнап.



Пікірлер (0)

Пікір қалдырыңыз

Аққұба

  • 0
  • 0

Аққұба-ай, Қарашашпен-ау, аулың сыбай,
Аулыңа келген айдап жағдай солай.
Көтеріп-ай, дәрежеңді-ау, бір тастайын,
Жас көңіл болып тұрса бұрынғыдай.

Толық

Жеңгей

  • 0
  • 0

Әнімнің, ай-ау, деген аялғысы,
Аттыға жол бермейді жаяу кісі, а-ау,
Жаяу кісі-ай.
Ат міндім, айғыр міндім құтаймады,

Толық

Әй, қалқа

  • 0
  • 0

Әй, қалқа, ғашық болдым жамалыңа,
Қызықпас кімдер көрсе ажарыңа.
Құрбым деп нәсілім теңдес сөз айтқанда,
Тигізбе қатты жауап назарыма.

Толық

Қарап көріңіз