Сен дегенде – Кадрия Темірболатова

Сен дегенде қызғалдақтай жайнадым,
Айлы түнде өзің жайлы ойладым.
Көрмедің.
Бұлбұл құстай бақшаларда сайрадым,
Сезімімнің ай қалқыды қаймағын.
Көрмедің.
Көздерімді жылылыққа толтырып
Жырлар жаздым елестетіп шолпыны.
Көрмедің.
Шілдедегі судай болып қайнадым
Ошақтағы оттай болып лауладым.
Көрмедің.
Алыстардан жеттім саған сағына
Құшақ ашып келдім тағы жаныңа
Көрмедің.
Суықтығың мұң толтырып жылатты
Сезінбедім сенен ешбір шуақты.
Хош, не қайыр,
Сен оны да көрмедің...