Есенқұл Жақыпбеков

Біздер сүйсек

Бұл бетте «Біздер сүйсек» атты Есенқұл Жақыпбеков жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

25.04.2020
0
0
8432

Біздер сүйсек,
Қор болып сүюші едік.
Хор қызына басты тек иуші едік,
Шүберекке қу жанды түюші едік.
Тар бөлмеде тағдырлас достар тұрған,
Сүйіп-сүйіп сүйіп ап тоқ балтырдан,
Сүйген қыздың аяғын жуушы едік.

Мен мақтансам Ай маңдай
Ақ тамағым.
Аяғыңды жудым деп мақтанамын.
Сол есіңе түсті ме кім біледі,
Жиіледі бұл күнде хат-хабарың.
Аяғымды сен де өзі жуушы едің,
Жуындырсаң қайтадан туушы едім.
Менің күңім сияқты ең сол жылдары,
Мен де ол кезде болыппын құлың сенің,
Байпаңдаған аюдың табанындай,
Табаныңды сағындым күңім сенің...

Біз сүйсек өліп-өшіп сүюші едік,
Жылы су аяғыңа құюшы едік,
Жуып ап сол аяқты сүюші едік,
Қи десе қу жанды да қиюшы едік.
Сен де мені баладай өбектедің,
Жүруші ең мейіріміңді үйіп-төгіп.
Сен есіме түскенде, кенет менің
Өтеді жүрегімнен құйын соғып.

Есенқұл Жақыпбеков біздер сүйсек... Есенқұл Жақыпбеков өлеңдері

Пікірлер (0)

Пікір қалдырыңыз

Жиі қойылатын сұрақтар