Өлең, жыр, ақындар

Жұрт жүреді сыртымнан көп тон пішіп

  • 29.04.2020
  • 0
  • 0
  • 4158
Жұрт жүреді сыртымнан көп тон пішіп,
Сырт көз үшін кию керек оңды ішік.
Тәйке тұрған асығымды бүк дейді,
Алшы түскен сақам ылғи болды шік.

Ағайынға аласарып жақпаймын,
Қақпақылға түсіп кеткен доптаймын
Бойыма шақ жұмыстарды атқармай
Ойыма шақ емес сөзді оттаймын.

Қабағыма түскеннен соң қаяу мұң
Оңып кеткен сырмақтағы бояумын.
Көңілінен шығамын деп әркімнің
Өзімді өзім жоғалтуға таяумын...

Барам- келемін, Сенделіп келем-кетемін,
Не болса соған көңілді – елеңдетемін
Қадалма, қалам, қағазға кенедей болып,
Өле алмай жүріп, өңмендеп өлең не теңім?!

«Сырымды жұртқа жаюға» неге ынтығамын,
Желкемді қиып барады көген-тұмарым.
...Аранын ашқан ашқарақ көңіл-пешіме
Көмейі толып қалғанша өлең тығамын!



Пікірлер (0)

Пікір қалдырыңыз

Пессимизм

  • 0
  • 1

Пенде болсаң – болмайсың шерден кенде,
Шер сарқылар, таусылар жерге енгенде.
Қу дүние шырмаса шырмауықтай
Өтер бүкіл ғұмырың сергелдеңде.

Толық

Біздің ауыл шалғайда, жер түбінде

  • 0
  • 0

Біздің ауыл шалғайда, жер түбінде,
Бөлек біздің ауылдың дерті мүлде.
Бір сапарға шығып ем он үшімде,
Енді мына тағдырдың еркі кімде?

Толық

Қазақ баласын қайрау

  • 0
  • 3

Шежірені шиырлап тарата алам,
Тусақ, туған шығармыз әр атадан.
Өзіңді өзің сүйрелеп, қатарға қос,
Ей, қазақтың баласы қара табан!

Толық

Қарап көріңіз