Өлең, жыр, ақындар

Қазақ қызы

әні: Р. Тайманов

Мен қазақ қыздарына қайран қалам,
Жанары, жаны жаздай жайраңдаған.
«Қыз өссе елдің көркі» деген сөзді
Қапысыз қалай айтқан қайран бабам.

Намысын бермеу үшін жатқа қолдан,
Арулар аз болды ма атқа қонған.
Көңілде қалған сыз бар өткен күннен
Өмірде қалған із бар «Ақтабаннан»

Жасырмай айтар болсам жан сырымды,
Тағдырым қарауылға қанша ілінді.
Ерліктің қос қанаты деп білемін,
Аяулы Әлиям мен Мәншүгімді.

Пір тұтқан адамдықты, адалдықты,
Көркімен таң қалдырған тәмам жұртты.
Қыздардың қылығымен өмір қызық,
Қыздардың ғұмырымен арман құтты.

Сүймеген сені азамат – азамат па,
Көңілің тәрізді аппақ таза мақта.
Бәрін айт, бірін айт та – (ы)лайықсың,
Қазақтың қызы деген ғажап атқа.



Пікірлер (1)

Иля

Кандай кушты жазылган дуние ????????

Пікір қалдырыңыз

Мен неге қайғылымын, қайғылымын?

  • 0
  • 0

Мен неге қайғылымын, қайғылымын?
Жақпай жүр Жаратқанға қай қылығым?
Кең етек шекпен емес, кебін киіп
Келмеске кеткені ме айбын-үнім?

Толық

Бір шырқасам деп едім даусым барда

  • 0
  • 0

Бір шырқасам деп едім даусым барда,
Жаңғырығым жамырап тау, шыңдарға.
Үнім шықпай қалды ғой, үнім шықпай,
Құдай берген қуатым таусылған ба?..

Толық

Оралыңның барында ойна да күл...

  • 0
  • 0

«Оралыңның барында ойна да күл...»
Қырмызыңда қызыққа тойма, жаным.
Жайлауында жазира жастығыңның
жауқазындай жарасар жайнағаның.

Толық

Қарап көріңіз

Пікірлер