Өлең, жыр, ақындар

Еңбектегің келеді

  • 04.07.2020
  • 0
  • 0
  • 1136
Еңбектегің келеді,
Талпынасың,..
Бір сүйемге жетпейді-ау әр құлашың...
Тіршіліктің иесі-ау, қызығамыз,
Бақадай тырбаңдаған қалпыңа шын...
Қызық болар қалтаңдап жүрген мүлде,
Неше түрін көрсеттің күлгеннің де.
Құртақандай менің сол, тынымсызым,
Адам болып келесің күннен күнге...
Уілдейсің үн қатып,
Сөйлегенге,
Тіреліп тұрғандай-ақ ой кемерге.
Қос саусақты жүгірте берме ауызға,
Түсінесің сен қашан «қой» дегенге...
Кел... келе ғой,
Ал енді жыладың ба...
Не қалайсың...
Қызық-ау сұрағың да...
Қойшы, күнім, бір жаққа шыға қалсам,
Үнің тұрар шырқырап құлағымда...



Пікірлер (0)

Пікір қалдырыңыз

Менің күпір ойларымды кешіре гөр

  • 0
  • 0

Менің күпір ойларымды кешіре гөр,
Тәңірім,
Кешір-дағы,
Тыңда жайын ананың мұң-зарының.

Толық

Азия даусы

  • 0
  • 0

Ғасырлардың көш-керуені тынбаған
құмға толы, сырға толы бүл ғалам.
Жібек жолын ұзатып сап қиырға
келешекке мәңгі қолды бұлғаған.

Толық

Түс

  • 0
  • 0

Сұлулықтан келбеті сыр ұқтырған,
жап-жасыл бақ жемісі тұнып тұрған.
Жаз самалы тербейді жапырақты,
күй сұрашы дегендей қылыштымнан...

Толық

Қарап көріңіз