Эссе және өлең-жыр байқауы

Сәлемдеме

Сәлемдеме жастарға,
Зарым замандастарға.
Көкірекке ақыл, көзге ғибрат,
Жалыңды талап, жаңа үміт,

Адал жүрек, ақ ниет
Жамандықтан қашқанға.
Жай таппаған көбелек,
Жапырағы жоқ қу терек,

Итке маржан не керек?
Су ағар ма аспанға?
Халық үшін жан қиған,
Қамқорлықтан ой жиған,

Сәлемдеме бұл сыйдан
Жарты жаңқа тастар ма?
Ақылы билеп, ой салып,
Қайғы сызға қайсарып,

Асыл сөзге бой салып,
Көңіл көзін ашқанға.
Сөз орнына боз беріп,
Боз бергенін көз көріп,

Хабары болса өзгелік
Дұшпаннан да, достан да.
Қарыны тоқ, қайырымы аз,
Отбасында өзі мәз;

Шөлдеп жүрген қысы - жаз
Мыңың басын қосқанға.
Көңілмен бірге қол жетер
Жұрт қажеті мол жетер,

Білімдікті олжа етер
Сусап тұрған бостанға.
Сусаған су тапса мәз,
Сондай құрбым - өнерпаз,

Осы қайғы, осы наз
Жарамас па астарға?..


Жүдеу жүрек

  • 0
  • 0

Былапыт, Ылат,
Былжыр күз.
Түнжыр қабақ,
Қылжыр көз.

Толық

Өзіме

  • 1
  • 2

Хақ сөйле, қызыл тілім, адал сайрап,
Тапсырдым бар ойымды саған арнап.
Көңілім арам ойлап алаңдама,
Алмаққа біреуді алдап, біреуді арбап.

Толық

Күзгі гүлге

  • 2
  • 2

Сарғайдың тоғайда, гүл, күзгітұрым,
Жайылып жапырағың тұрған бұрын.
Ара бал, көбелек сөл жұтқан сенен,
Ол қайда маса, сона, шіркей - шыбын.

Толық

Қарап көріңіз



Пікірлер (1)

Мадина Ержан

Өте өте керемет екен тамаша сөз жоқ қой па шіркін

Пікір қалдырыңыз

×